Հայաստանի ֆինանսական շուկայում ամերիկյան դոլարի փոխարժեքը, կայունության կարճատեւ շրջանից հետո, կրկին սկսել է բարձրանալ: «ՆԱՍԴԱՔՕԷՄԷՔՍ Արմենիա» բորսայում այսօր` մայիսի 4-ին դոլարի միջին փոխարժեքը կազմել է 392.35 դրամ` երեկվա համեմատ բարձրանալով 0.09%-ով կամ 0.35 կետով:
Ընդհանուր առմամբ` բորսայում վաճառվել է 900 հազ. դոլար:
Առեւտրային բանկերը, ընդհանուր առմամբ, կանխատեսել էին դոլարի փոխարժեքի աճ, ուստի արդեն առավոտյան, մինչ բորսայում առեւտրային նստաշրջանի ավարտը, կանխիկ դոլարի վաճառքի փոխարժեքը բարձրացրել էին մինչեւ 393 դրամ: Դոլարը հիմնականում գնվում է 390-391 դրամով: