Հայաստանի Լոռիի եւ Տավուշի մարզպետարաններն աշխատանքներ են տանում Եվրոպական ռեգիոնների ասամբլեայի «Տարածաշրջանները եւ միջտարածաշրջանային համագործակցությունը Հարավային Կովկասում» խորագրով համաժողովը Հայաստանում անցկացնելու ուղղությամբ: Այդ մասին նշված է ՀՀ տարածքային կառավարման նախարարության կողմից կառավարություն ներկայացրած տեղեկանքում:
ՀՀ Լոռիի եւ Տավուշի մարզերը Եվրոպական ռեգիոնների ասամբլեային անդամակցել են 2010թ. նոյեմբերի 10-12-ը Ստամբուլում կայացած համաժողովի ընթացքում:
Եվրոպական ռեգիոնների ասամբլեան միավորում է 33 երկրի 270 տարածաշրջան, այդ թվում` նախկին Խորհրդային Միության երկրների` Ռուսաստանի, Վրաստանի, Մոլդովայի, Ուկրաինայի։
Որպես անդամակցության վճար` հայկական մարզերը պետք է Ասամբլեային վճարեն 3005 եվրո: