Երեւանում, մայիսի 9-ին, ժամը 06.45-ին ոստիկանությունից տեղեկություն է ստացվել, որ Երեւանի Շենգավիթի ոստիկանության բաժնի քննչական բաժանմունքի շենքում պայթուցիկ սարք է տեղադրված:
Հայաստանի ԱԻՆ փրկարար ծառայությունից NEWS.am-ին հայտնում են, որ դեպքի վայր են մեկնել մեկ մարտական հաշվարկ, հատուկ փրկարարական ջոկատի հերթապահ եւ ՃԿԿ օպերատիվ խմբերը:
Ոստիկանության կինոլոգիական ծառայության աշխատակիցներն իրականացրել են տարածքի զննում, որի արդյունքում պայթուցիկ սարք չի հայտնաբերվել: