Մայիսի 13-ին, ժամը 13.58-ին ահազանգ է ստացվել, որ Գեղարքունիքի մարզում՝ Սեւանա լճի «Ճայերի կղզի» կոչվող հատվածում շրջվել է ձկնորսական ռետինե նավակ, ինչի հետեւանքով ջրում են հայտնվել երկու քաղաքացի. անհրաժեշտ է փրկարարների օգնությունը:
Հայաստանի ԱԻՆ լրավական ծառայությունից հայտնում են, որ դեպքի վայր է մեկնել փրկարար ուժերի վարչության հատուկ ջրափրկարարական ջոկատի հերթապահ խումբը:
14.30-ին ջրափրկարարները ջրից դուրս են բերել Երեւանի բնակիչներ Արթուր եւ Հարություն Չիփչյաններին, որոնց ցուցաբերվել է առաջին անհրաժեշտ օգնություն:
Ժամը 15:20-ին ջրափրկարարները ձկնորսությամբ զբաղվող քաղաքացիների անվտանգությունն ապահովելու նպատակով Սեւան լճից դուրս են բերել 6 հոգու երեք ռետինե նավակներով:
