Մի քանի օրից աշխատանքից կազատվի Քանաքեռ-Զեյթուն վարչական շրջանի ղեկավար Արայիկ Քոթանջյանը, որը նաեւ այդ տարածքի ՀՀԿ պատասխանատուն է: Այդ մասին գրում է «Հայացք» թերթը:
«Իշխանությունը նրա նախընտրական աշխատանքն անբավարար է գնահատում: Երեք օր առաջ «Օջախ» ռեստորանում այս համայնքի ՀՀԿ ակտիվը ընտրություններում հաղթանակ տանելու առիթով քեֆ էր անում: Ներկա էր նաեւ ՀՀ նախագահը, բնականաբարր նաեւ` այս տարածքից պատգամավոր ընտրված ՀՀԿ ներկայացուցիչը: Շատերի համար անակնկալ էր այս տարածքի կուսակցության ղեկավար ու թաղապետ Արայիկ Քոթանջյանի բացակայությունը: Նրան չէին հրավիրել: Մոտ օրերս Քոթանջյանը պաշտոնանկ կարվի»,- գրում է «Հայացքը»: