Լոս Անջելեսի դատարանը մեղավոր է ճանաչել վարորդին, ով Մալիբուում երկու տարի առաջ վրաերթի էր ենթարկել եւ սպանել 13-ամյա մի աղջնակի:
Los Angeles Times-ի փոխանցմամբ, 28-ամյա Սինա Խանկանյանը մեղավոր է ճանաչվել երկրորդ աստիճանի սպանության մեջ: Նրան 2010թ. ապրիլի 3-ին նա կալանավորվել էր Էմիլի Շեյնի սպանության համար: Աղջնակը մայթով խանութ գնալիս է եղել, երբ Խանկանյանը վրաերթի է ենթարկել նրան:
Տեղական իշխանությունները հայտնել են, որ Խանկանյանը լքել է դեպքի վայրը` մինչ այդ փրկարար ծառայություն զանգահարելով: նա նաեւ ինքնասպանության փորձ է կատարել:
Սինա Խանկանյանի փաստաբանը հայտարարել է, թե իր պաշտպանյալը անկանոն է վարել մեքենան, սակայն չի պատրաստվել որեւէ մեկի վնաս տալ: Նա նաեւ նշել է, թե հիասթափված է դատարանի որոշումից: