Սիրիայի Հոմս քաղաքում հարձակում է եղել հայկական եկեղեցու եւ «Իսահակյան» հայկական դպրոցի վրա: Nouvelle d'Armenie-ն հայտնում է, որ հարձակվողները եղել են սիրիական ընդդիմության ներկայացուցիչներ:
Հոմսի հայ համայնքի ներկայացուցիչներից Նազարեթ Էլմաջյանը հայտնել է, որ ընդդիմադիրների գրոհած դպրոցը պատկանում է Հայ առաքելական եկեղեցուն, եւ ենթարկվում է Դամասկոսում գտնվող պատրիարքությանը: Հայկական դպրոցը գտնվում է Համիդիա շրջանում, որ բնակեցված է մեծամասամբ քրիստոնյա արաբներով:
Ընդդիմադիր ուժերը, որոնք թալանել են հայկական եկեղեցին, դպրոցը վերածել են հիվանդանոցի եւ իրենց հանգստավայրի: Սիրիական բանակը զերծ է մնում տվյալ շրջանին հարվածելուց, քանի որ քաղաքացիական մեծ բնակչություն կա: