Չիկագոյում ավարտված ՆԱՏՕ-ի գագաթաժողովը հաստատել է Աֆղանստանում ռազմական հրամանատարության փոխանցումը երկրի իշխանություններին: Փոխանցումը պետք է տեղի ունենա 2013 թվականի կեսերին:
Դաշինքի զորքերը, ինչպես եւ նախատեսվել էր նախկինում, Աֆղանստանից դուրս կբերվեն 2014 թվականի վերջին, որից հետո երկրում կմնան միայն ռազմական տեսուչները: Դրա հետ մեկտեղ, ԱՄՆ-ի նախագահ Բարաք Օբաման Աֆղանստանին խոստացել է օգնություն վերականգնման համար:
ՆԱՏՕ-ի ներկայացուցիչները հայտարարել են, որ լավատեսորեն են նայում Պակիստանի տարածքով տեղափոխումների վերսկսմանը, որոնք դադարեցվել էին ամերիկյան ավիահարվածից հետո, որը խլել էր 24 պակիստանյան զինվորականների կյանք, հայտնում է BBC-ի ռուսական ծառայությունը:
Երկօրյա գագաթաժողովին ներկա են եղել 50 պետությունների առաջնորդներ` ներառյալ Աֆղանստանի եւ Պակիստանի նախագահները:
Դեռեւս Պակիստանին եւ ԱՄՆ-ին չի հաջողվել համաձայնության գալ ՆԱՏՕ-ի բեռնափոխադրումների երթուղու վերականգնման շուրջ: