Վրացական երկաթուղին օգտագործում է Հայաստանից բեռների տարանցման մենաշնորհը: Այս մասին հայտարարեց Սեւծովյան տնտեսական համագործակցության Խորհրդարանական վեհաժողովում Ռուսաստանի պատվիրակության ղեկավար Միխայիլ Եմելյանովը` պաստասխանելով NEWS.am-ի հարցին: «Վրացական երկաթուղու շահեկան դիրքը թույլ է տալիս անել դա, եւ մենք պատրաստվում ենք այդ հարցը հետագայում բարձրացնել ՍԾՏՀ ԽՎ շրջանակներում»,-հայտարարեց նա:
Իր հերթին հայկական պատվիրակության ղեկավար Արեգ Ղուկասյանն ասաց, որ հայկական կողմը վրաց գործընկերների հետ քննարկում են սակագների հարցը: «Մենք այդ հարցը քննարկում ենք երկկողմ կարգով»,-ավելացրեց նա: