«Էլեկտրոն» գործարանում պայթյունի փաստով քրեական գործ է հարուցվել:
Ոստիկանության լրատվության վարչությունից հայտնում են, որ քրգործը հարուցվել է ՀՀ քրեական օրենսգրքի 157 հոդվածի 2-րդ մասի հատկանիշներով (Աշխատանքի պաշտպանության կանոնները խախտելը, որն անզգուշությամբ առաջացրել է տուժողի մահ):
Մայիսի 29-ին, ժամը 14.50-ին, ոստիկանության Երևան քաղաքի վարչության հերթապահ մասից հաղորդում է ստացվել, որ «Էլեկտրոն» ԲԲԸ-ում պայթյուն է տեղի ունեցել:
Մեկնած օպերատիվ խումբը պարզել է, որ նույն օրը, ժամը 14.30-ի սահմաններում, Շարուրի փողոցում գտնվող «Էլեկտրոն» ԲԲԸ 16-րդ արտադրամասում տեղի է ունեցել պայթյուն, ինչի ընթացքում փոխտնօրեն՝ 65-ամյա Ադիբեկ Բարսամյանը ստացած վնասվածքներից տեղում մահացել է, իսկ նույն արտադրամասի պետ՝ 72-ամյա Ջանիբեկ Մարտիրոսյանը, տեղափոխվել է հիվանդանոց, որտեղ ժամը 16.55-ին, գիտակցության չգալով, մահացել է:
Նշանակվել են փորձաքննություններ, հանգամանքները պարզվում են:
Կատարվում է քննություն: