«Զորյան» ինստիտուտը հայտարարել է Ռիֆաթ Բալիի «Պետության օրինակելի քաղաքացիները. Թուրքիայի հրեաները բազմակուսակցական ժամանակաշրջանում» գրքի թարգմանության եւ հրատարակության մասին, հաղորդում է «Ասպարեզ»-ը:
Գրքում պատմվում է 1950թ-ից ի վեր Թուրքիայում հրեական համայնքի նկատմամբ վերաբերմունքի, ընդդեմ հակասեմիտիզմի, սահմանադրական իրավունքի համար նրանց պայքարի մասին:
Թուրքերենով հրատարակության նախաբանում, որը հրապարկվել է «The Armenian Weekly»-ում, թուրք լրագրող եւ Թուրքիայի մարդու իրավունքների ասցիացիայի ընդդեմ խտրականության եւ այլատյացության պայքարի կոմիտեի անդամ Այշե Գյունայսուն գիրքը համարել էր «նորարարական.. որը բացահայտում է փաստերը առաջին ձեռքից, որոնք ակնհայտ ցույց են տալիս, թե ինչպես են թուրքական իշխանությունները շանտաժի ենթարկում հրեական համայնքի առաջնորդներին, իսկ նրանց միջոցով` նաեւ ԱՄՆ հրեական կազմակերպություններին, որպեսզի նրանք աջակցեն Հայոց ցեղասպանության ճանաչման դեմ Թուրքիայի արշավին:
Գրքում հարուստ նյութ կա այն մասին, թե ինչպես են թուրք դիվանգետներն ու կիսապաշտոնական անձինք լոբբիստական գործունեություն իրականացնելիս սպառնում Իսրայելին եւ ԱՄՆ-ին` նշելով, որ եթե հրեական լոբբին չի կարող կանխել արտերկրում հայկական նախաձեռնությունները, Թուրքիան չի կարող ապահովել Թուրքիայի հրեաների անվտանգությունը»:
