Հայաստանի նախագահ Սերժ Սարգսյանն այսօր` հունիսի 1-ին, դստեր եւ թոռնուհու հետ այցելել է Երեւանի կենդանաբանական այգի եւ ներկա է գտնվել Երեխաների պաշտպանության միջազգային օրվա կապակցությամբ Երեւանի քաղաքապետարանի կողմից կազմակերպված տոնական միջոցառումներին:

Նախագահի մամուլի գրասենյակից NEWS.am-ին հայտնում են, որ քաղաքապետ Տարոն Մարգարյանը Հանրապետության ղեկավարին ներկայացրել է Երեւանի քաղաքապետարանի ենթակայությամբ գործող կենդանաբանական այգու բարեկարգման եւ զարգացման ուղղությամբ վերջին տարիներին իրականացված աշխատանքները: