Լիտվայի եւ Իսպանիայի միջեւ շենգենյան վիզաներ տրամադրելու երկկողմ համաձայնագիրն ուժի մեջ է մտել հունիսի 1-ից: Այդ մասին հայտարարել է Լիտվայի արտգործնախարարությունը:
Ըստ համաձայնագրի, Լիտվան շենգենյան վիզաների տրամադրման հարցում Իսպանիային ներկայացնելու է Հայաստանում, իսկ Իսպանիան Լիտվային` Արաբական Միացյալ Էմիրություններում, Օմանում, Քուվեյթում, Քաթարում, Քենիայում, Կոլումբիայում, Բոլիվիայում, Էկվադորում եւ Դոմինիկյան Հանրապետությունում:
Համաձայնագրի` ուժի մեջ մտնելուց հետո Հայաստանի քաղաքացիները շենգենյան վիզա ստանալու համար կարող են դիմել Լիտվայի դեսպանատուն: