Վրաստանի խորհրդարանի` աշնանը կայանալիք ընտրությունները լավ հնարավորություն են երկրում ժողովրդավարական վերափոխումների համար: Այդ մասին հայտարարել է ԱՄՆ պետքարտուղար Հիլարի Քլինթոնը Բաթումիում ԱՄՆ-Վրաստան ռազմավարական գործընկերության հանձնաժողովի նիստում:
«Վրաստանը հաջող եւ կարեւոր քայլեր է կատարել երկրում ժողովրդավարության ամրապնդման համար` վարդերի հեղափոխությունից հետո, եւ այդ հաջողությունները հանրաճանաչ են, այժմ էլ պետք է ապացուցել ժողովրդավարությանը հավատարմությունը եւ իշխանության լեգիտիմությունը արդար, թափանցիկ եւ արդար ընտրությունների միջոցով, որոնք պետք է մրցակցային լինեն»,- ընդգծել է նա:
Պետքարտուղարը նկատել է, որ ԱՄՆ-ը շարունակելու է Վրաստանին օգնություն ցուցաբերել անվտանգության ոլորտում եւ աջակցում է նրա անդամակցությանը ՆԱՏՕ-ին: Վրաստանը ԱՄՆ ռազմավարական գործընկերն է տարածաշրջանային եւ համաշխարհային անվտանգության հարցերում: