Հայաստանի կառավարությունն այսօր` հունիսի 7-ին, ՀՀ տարածքային կառավարման նախարարության ներկայացմամբ, իրենց զբաղեցրած պաշտոններից ազատեց Վայոց Ձորի մարզպետ Սերգեյ Բագրատյանին եւ Գեղարքունիքի մարզպետ Նվեր Պողոսյանին:
Երկու մարզպետներն էլ ազատվել են նույն հիմքով` իրենց դիմումի համաձայն: Նշենք սակայն, որ մարզպետները «Բարգավաճ Հայաստան» կուսակցության անդամներ են: ԲՀԿ-ն հրաժարվել է կոալիցիա կազմել` կառավարություն ձեւավորելու համար:
Վարչապետ Տիգրան Սարգսյանը շնորհակալություն հայտնեց մարզպետներին` այս տարիների ընթացքում իրենց կատարած աշխատանքի համար: