News
Լրահոս
News
Երեքշաբթի
Հունիս 28
USD
408.39
EUR
431.95
RUB
7.72
Տեսնել լրահոսը

2012թ. հունվարից հունիս ընկած ժամանակահատվածում Լեռնային Ղարաբաղի եւ Ադրբեջանի զինված ուժերի շփման գծում ադրբեջանական կողմը հրադադարի ռեժիմը խախտել է մոտ 5 հազար անգամ: Այդ մասին NEWS.am-ի թղթակցի հետ զրույցում ասել է ԼՂՀ ՊՆ մամուլի քարտուղար Սենոր Հասրաթյանը` հավելելով, որ այս գիշեր ադրբեջանական կողմը մոտ 200 անգամ խախտել է հրադադարի ռեժիմը:

NEWS.am-ի հավաստի աղբյուրների համաձայն, միայն հունիսին ադրբեջանական կողմը 6 դիվերսիոն գործողություն է իրականացրել, որի արդյունքում 20 զինվոր է կորցրել:

Ադրբեջանի ռազմական լրագրողների հետազոտական կենտրոնի տվյալներով, հունվարից հունիս Ադրբեջանը կորցրել է 52 զինվոր, եւս 46-ը` վիրավորվել է ԼՂՀ եւ Ադրբեջանի շփման գծում: Ընդ որում, հարկ է նշել, որ հրադադարի ռեժիմը խախտում է ադրբեջանական կողմը, հատկապես բարձրաստիճան անձանց տարածաշրջանային այցերի շրջանում:

Նշենք, որ հունիսի 6-ի գիշերը Հորադիզի ուղղությամբ ադրբեջանական կողմը դիվերսիա էր իրականացրել: Հայկական ուժերը կանխել էին դիվերսիան, եւ հակառակորդը զգալի կորուստներ էր կրել: Հայկական կողմից զոհվել է 1, վիրավորվել երկու զինծառայող:

!
Այս նյութը հասանելի է նաև   English, Русский and Türkçe
Տպել
Ֆոտոռեպորտաժներ