Կառավարությունում ոչ հերքել, ոչ հաստատել են լրատվամիջոցներում տարածված տեղեկությունները, որ Հայաստանի վարչապետ Տիգրան Սարգսյանը երեկ հանդիպել է ԲՀԿ առաջնորդ Գագիկ Ծառուկյանի հետ:
Կառավարության լրատվական վարչությունից NEWS.am-ի թղթակցին հայտնեցին հետեւյալը. «Վարչապետն աշխատանքային հանդիպումներ է ունենում Ազգային ժողովում ներկայացված քաղաքական ուժերի ներկայացուցիչների հետ` քննարկելու կառավարության ծրագրի դրույթները: Արդեն իսկ հանդիպում է տեղի ունեցել ԲՀԿ եւ ՕԵԿ ներկայացուցիչների հետ»:
Նշենք, որ լրատվամիջոցներում տեղեկություններ էին տարածվել, որ երեկ երեկոյան տեղի է ունեցել ՀՀ վարչապետ Տիգրան Սարգսյանի եւ «Բարգավաճ Հայաստան» կուսակցության ղեկավար Գագիկ Ծառուկյանի հանդիպումը: Հանդիպումը տեղի է ունեցել վարչապետի աշխատավայրում: Գագիկ Ծառուկյանի մեքենան մոտ մեկ ժամ գտնվել է կառավարության շենքի մոտ:
