Այսօր` հունիսի 7-ի կեսօրին, Հայաստանի նախագահի նստավայրի դիմաց Հրազդան քաղաքի բնակիչ Մխիթար Ալումյանը փորձել է բենզինով ինքնահրկիզվել, սակայն ոստիկանները հասցրել են կանխել:
Մխիթար Ալումյանը նշել է, որ շուրջ 14 տարի աշխատել է Հրազդանի Էներգաբլոկ ձեռնարկությունում, սակայն նրան անօրինական կերպով ազատել են աշխատանքից: Տնօրինությունը հրաժարվել է վճարել նաեւ նրա վերջինի աշխատավարձը եւ հավելավճարները:
Խնդրի մասին Մխիթար Ալումյանը տեղյակ էր պահել նաեւ հանրապետության նախագահին, սակայն, ըստ նրա, խնդիրը լուծում չի ստացել:
Ինքնահրկիզման փորձ արած քաղաքացին նշել է, որ իր ընտանիքն ապրում է սոցիալապես անապահով վիճակում, նա ունի 5 անչափահաս երեխա:
Տեսանյութը` ԳԱԼԱ-ի
