Երեւան-Երասխ ավտոճանապարհի 18-րդ կմ-ին, (Մարմարաշեն գյուղի մոտ) հունիսի 7-ին, ժամը 06.00-ի սահմաններում, տեղի է ունեցել ավտոպատահար:
Հայաստանի ԱԻՆ փրկարար ծառայությունից NEWS.am-ին հայտնում են, որ դեռեւս չպարզված հանգամանքներում «Օպել» մակնիշի 29 ՏՕ 039 համարանիշի ավտոմեքենան դուրս է եկել ճանապարհի երթեւեկելի մասից եւ բախվել էլեկտրասյանը:
Պատահարի հետեւանքով վարորդ` 36-ամյա Ալբերտ Վիրաբյանը եւ ուղեւոր` 37-ամյա Հայկ Հայրապետյանը ստացել են տարբեր մարմնական վնասվածքներ ու տեղափոխվել Երեւանի «Էրեբունի» բժշկական կենտրոն:
Ա. Վիրաբյանը, առաջին բուժօգնություն ստանալով, դուրս է գրվել, իսկ Հ. Հայրապետրյանի առողջական վիճակը կայուն ծանր է: