Այսօր`հունիսի 10-ին, Լոռիի մարզի Սպիտակ քաղաքի լճակներից մեկում մարդ է խեղդվել (ֆոտոռեպորտաժ):
Ինչպես դեպքի վայրից հայտնում է NEWS.am-ի Լոռիի թղթակիցը, ժամը 13:10-ի սահմաններում Լոռիի մարզային փրկարարական վարչություն ստացվել է ահազանգ, որ Սպիտակ քաղաքի «Օկեան» ռեստորանի տարածքում գտնվող լճակում մարդ է խեղդվել:
Դեպքի վայր է մեկնել մեկ մարտական հաշվարկ եւ մարզային փրկարարական վարչության փրկարար ջոկատը: Դեպքի վայրում է Սպիտակի հրշեջ փրկարար ջոկատի հրամանատար Սերոբ Գաբրիելյանը: Այլ մանրամասներ կհաղորդենք առաջիկայում:
Լուսանկարը` Էդվարդ Արզումանյանի