Կուբանում դարեր շարունակ ապրում են հայերը եւ մնացած մյուս ազգերը, եւ տեղի իշխանությունները մտադիր են պահպանել այդ կարգը: Այս մասին, ինչպես հաղորդում է Ռուսաստանի հայերի «Երկրամաս» թերթը, ասվում է Կրասնոդարի երկրամասի մամուլի ծառայության հաղորդագրության մեջ:
«Կուբանում տարիներ շարունակ խաղաղության եւ փոխըմբռնման պայմաններում են ապրում ավելի քան 120 ժողովուրդների ներկայացուցիչներ: Բարիդրացիական հարաբերությունների պահպանումը երկրամասի բարգավաճման եւ բարեկեցության երաշխիքն է եւ գերակայություն` տեղական իշխանությունների աշխատանքում»,-նշված է Կրասնոդարի վարչակազմի հաղորդագրության մեջ: Նշվում, է, որ Կուբանի իշխանությունները պատրաստ են պահպանել ազգամիջյան կայունությունը եւ շարունակել պայքարն այն եկվորների դեմ, ովքեր «ոչ միշտ են իրենց պահում բարեկիրթ հյուրերի պես»: