Գյումրիում շրջանառվող խոսակցությունների համաձայն երեկ կրակել են Շիրակի մարզպետարանի քաղաքաշինության վարչության նախկին պետ, ԲՀԿ-ական Արտաշես Սարգսյանի փեսայի` ավագանու անդամ Անդրանիկ Խաչատրյանի վրա, հաղորդում է Aravot.am-ը:
Տվյալ տեղեկությունը ճշտելու համար NEWS.am-ը դիմեց ոստիկանության Շիրակի մարզային վարչություն պետ` ոստիկանության գնդապետ Կարեն Բաբակեխյանին: Վերջինս ասաց, որ րոպեներ առաջ են իրեն տեղեկացրել, որ նման խոսակցություններ են շրջանառվում:
Հարցին, թե ընթացք տալո՞ւ են այդ լուրերին, նա պատասխանեց. «Մենք ներկա պահին արձանագրված դեպք չունենք, սակայն բնականաբար յուրաքանչյուր տեղեկություն ճշտման կարիք ունի»:
Իսկ ահա ԲՀԿ-ական Արտաշես Սարգսյանը Aravot.am-ին հերքել է այդ լուրերը, նշելով. «Էս քաղաքում ինչ ասես չեն տարածում, ավելորդ խոսակցություններ են»:
Հարկ է նկատել, որ Անդրանիկ Խաչատրյանը նույն խոսակցությունների համաձայն աշխատեցնում է Տերյան փողոցում գտնվող «Պեգաս» խանութը: