Աֆղանստանի հյուսիսում 5,4 եւ 5,7 մագնիտուդ հզորությամբ երկու երկրաշարժերի եւ սողանքի զոհ են դարձել շուրջ հարյուր մարդ, գրում է ԻՏԱՌ-ՏԱՍՍ-ը:
Ինչպես հաղորդել են տեղական իշխանությունները, տարերքն ավերել է ավելի քան 20 տներ: Փրկարարները Բագլան նահանգում ավերակների տակից արդեն հանել են մի քանի զոհերի մարմիններ:
ՄԱԿ-ի տվյալներով` շենքեր են փլուզվել հինգ շրջաններում:
Ավերակների մեջ ողջ մարդկանց գտնելու փորձերն առայժմ հաջողությամբ չեն պսակվում. տեղի ոստիկանության ներկայացուցչի խոսքով` որոնողափրկարարական աշխատանքների համար «անհրաժեշտ են բուլդոզերներ եւ այլ ծանր տեխնիկա»: