Հունիսի 11-ին, ժամը 18.12-ին, անհայտ քաղաքացուց ոստիկանության Մալաթիայի բաժնում ահազանգ է ստացվել, որ Բաբաջանյան փողոցի թիվ 18 շենքում գտնվող «Սթար» սուպերմարկետում գող են բռնել:
Ոստիկանության լրատվության վարչությունից հայտնում են, թե դեպքի վայր մեկնած օպերատիվ խումբը պարզել է, որ նույն օրը, ժամը 17.30-ին, սուպերմարկետի անվտանության աշխատակիցը սուպերմարկետի սրահը հսկող տեսադիտման համակարգի միջոցով նկատել է, որ մի տղամարդ խմիչքների ցուցատախտակի վրայից վերցրել է «Կրեմլին» տեսակի 17 հազար 390 դրամ արժողության կոնյակ եւ տեղավորելով ձեռքին եղած պոլիէթիլենային տոպրակի մեջ, մոտենալով դրամարկղին, առանց համապատասխան վճարում կատարելու փորձել է դուրս գալ խանութից, սակայն անվտանության աշխատակիցը հասցրել է սուպերմարկետի մուտքի մոտ բռնել, վերցնել գողացված կոնյակը եւ նրան ուղեկցել տեղի անվտանգության առանձնասենյակ:
Ոստիկանության ծառայողները պարզել են, որ գողության փորձ կատարած անձը 48-ամյա Վալերի Ն.-ն է:
Վալերի Ն.-ն բերման է ենթարկվել բաժին:
Գողոնն առգրավված է, կատարվում է նախաքննություն: