Հունիսի 11-ին, ժամը 14.30-ի սահմաններում, Տերյան եւ Սպանդարյան փողոցների խաչմերուկում «ՎԱԶ-2107» մակնիշի ավտոմեքենա է բախվել «ԳԱԶ-3110» մակնիշի ավտոմեքենայի: «ՎԱԶ-2107»-ի վարորդը մարմնական վնասվածքով տեղափոխվել է հիվանդանոց:
Ոստիկանության լրատվության վարչությունից հայտնում են, թե հունիսի 11-ին, ժամը 19.00-ին, Պարոնյան փողոցի թիվ 17 շենքի մոտ իրար են բախվել «Օպել-Օմեգա» մակնիշի ավտոմեքենա եւ «Կարտեր Պելսո» շինարարական տրանսպորտային միջոց: Բախման հետեւանքով «Օպել-Օմեգա»-ի ուղեւորը մարմնական վնասվածքներով տեղափոխվել է հիվանդանոց:
Հունիսի 11-ին, ժամը 22.45-ին, Սեբաստիայի եւ Մալաթիայի փողոցների խաչմերուկում իրար են բախվել «ԲՄՎ X 5» եւ «Ֆոլքսվագեն Գոլֆ» մակնիշի ավտոմեքենաներ, ինչի հետեւանքով «ԲՄՎ X 5»-ի ուղեւորուհին մարմնական վնասվածքներով տեղափոխվել է հիվանդանոց:
Հունիսի 11-ին, ժամը 23.30-ի սահմաններում, Սեւան-Լճաշեն ճանապարհի 2-րդ կմ-ին իրար են բախվել «ՎԱԶ-2106» եւ «ՎԱԶ-21213» մակնիշի ավտոմեքենաներ: Պատահարի հետեւանքով «ՎԱԶ-21213»-ի ուղեւորը մարմնական վնասվածքներով տեղափոխվել է հիվանդանոց:
Հունիսի 12-ին, ժամը 02.30-ի սահմաններում, Քուչակ-Եղիպատրուշ ճանապարհի 4-րդ կմ-ին «ԳԱԶ-2410» մակնիշի ավտոմեքենա է շրջվել ձորը, ինչի հետեւանքով 2 ուղեւորները մարմնական վնասվածքներով տեղափոխվել են հիվանդանոց:
Բոլոր դեպքերով էլ կատարվում է քննություն: