Հայաստանի hանրապետության եւ Սինգապուրի հանրապետության կառավարությունները կկնքեն «Մաքսային գործերում համագործակցության եւ փոխադարձ օգնության մասին» համաձայնագիր: ՀՀ կառավարությանն առընթեր պետեկամուտների կոմիտեի ներկայացմամբ` այդ համաձայնագրի կնքմանը թույլտվություն տալու հարցը ներառվել է կառավարության հունիսի 14-ի նիստի օրակարգում:
Համաձայնագրի կնքմամբ կհաստատվի ուղղակի կապ երկու երկրների մաքսային մարմինների հետ, ինչն էլ հնարավորություն կտա առավել արագ եւ օպերատիվ բացահայտել մաքսային կանոնների խախտման դեպքերը: Մասնավորապես` Հայաստանի եւ Սինգապուրի մաքսային մարմինները միմյանց հարցումներ ուղարկելու իրավասություն կստանան: