Երեւանում նվազել են անշարժ գույքի գնորդները: Այդ մասին այսօր` հունիսի 12-ին լրագրողների հետ հանդիպման ժամանակ ասաց ամերիկահայ գործարար, Հայաստանի անշարժ գույքի շուկայում ներդրումներ կատարած Վահագն Հովնանյանը: Պատճառներից մեկն, ըստ Վ. Հովնանյանի, արտագաղթն է, իսկ մնացողներն էլ գումարի պակաս ունեն:
Սփյուռքահայ գործարարի խոսքով` անշարժ գույքի շուկայում աշխուժություն մտցնում են բացառապես Սիրիայից, Իրանից եւ Եգիպտոսից ներգաղթող հայերը: Նրա տեղեկացմամբ` իր ղեկավարած ընկերության («Վահագն Ինթերնեյշնլ») առաջարկած անշարժ գույքի 63%-ը գնում են տեղացիները, 37%-ը` օտարերկրացիները:
Վ. Հովնանյանը խոստացավ ՀՀ նախագահ Սերժ Սարգսյանին հրավիրել գոլֆ խաղալու` խաղադաշտը վերանորոգելուց հետո:
