Միջազգային դիտորդները չեն կարողացել սիրիական Հաֆա քաղաք գնալ, որտեղից տեղեկություն է ստացվում հրաձգության մասին: Նրանց ճանապարհը փակել է մարտական տրամադրված սիրիացիների ամբոխը, որոնք քարեր են նետել դիտորդների մեքենաների վրա: Ավելի ուշ ՄԱԿ-ի դիտորդների մեքենաների վրա սկսել էին կրակել:
Խաղաղության պահպանման ՄԱԿ-ի առաքելության ղեկավար Էրվե Լադսուն հայտարարել է, որ Սիրիայում հակամարտությունը վերաճել է քաղաքացիական պատերազմի, հայտնում է «Իզվեստիան»:
Նախօրեին Հաֆայից տեղեկություններ էին ստացվել հրաձգությունների մասին: Իրավապահները հայտնել էին 106 զոհերի մասին:
Բացի դրանից, ուղղաթիռներից հրաձգության մասին լուրն ստացվել էր ԱՄՆ-ի պետքարտուղար Հիլարի Քլինթոնի հայտարարությունից հետո:
Քաղաքական գործիչը մեղադրել էր Ռուսաստանին սիրիական վարչակարգին ուղղաթիռներ մատակարարելու մեջ: Սիրիա ուղարկվող ռազմական ողղաթիռների մասին տեղեկությունն առաջացնում է ԱՄՆ-ի անհանգստությունը, ավելացրել էր նա: Պետքարտուղարը նշել էր, որ Բաշար Ասադի վարչակարգի ստացած նոր սպառազինությունները կհանգեցնեն լարվածության սրացման: