Սիրիական բանակն օգտագործում է երեխաներին որպես կենդանի վահան, հայտարարել է երեխաների եւ զինված հակամարտությունների գծով ՄԱԿ-ի հատուկ պատվիրակ Ռադիկա Կումարասվամին: Ըստ նրա` ինքը եւ իր աշխատակիցները վերադարձել էին Սիրիայից «սարսափեցնող» զեկույցներով:
«Մենք նաեւ լսել ենք, որ երեխաներին օգտագործում են, դա մեզ պատմել են անձամբ երեխաները, որպես մարդկային վահան, դնում են տանկերի վրա, որ դրանք չենթարկվեն հրաձգության», - հայտարարել է Կումարասվամին, հաղորդում է «Իզվեստիան»:
ՄԱԿ-ի ներկայացուցիչը նաեւ քննադատել է նախագահ Բաշար Ասադի հակառակորդներին «Սիրիայի ազատ բանակից», որոնք օգտագործում են երեխաներին վարձու մարտիկների կարգավիճակում: