Բողոքարկման գործընթացում իրանցի հայտնի իրավապաշտպան եւ փաստաբան Աբդուլֆաթահ Սոլթանիի ազատազրկման ժամկետը 18-ից կրճատել են 13 տարվա: Այդ մասին Associated Press-ին հայտնել է իրավապաշտպանի դուստրը:
Սոլթանին մեղադրվում է ազգային անվտանգությանը սպառնալիք ստեղծելու մեջ: Մարտին դատարանը նրան 18 տարվա պատժաչափ էր սահմանել:
«Ազատություն» ռադիոյի հաղորդմամբ, Amnesty International միջազգային իրավապաշտպան կազմակերպությունը Սոլթանիին խղճի գերի էր անվանել: Նոբելյան մրցանակի դափնեկիր Շիրին Էբադիի հետ նա Իրանում իրավապաշտպանական խումբ էր հիմնել: