Մոսկովյան լրատվամիջոցների մի քանի լրագրողների այսօր` հունիսի 13-ին ձերբակալել են Քննչական կոմիտեի դիմաց ի պաշտպանություն «Նովայա գազետայի» բողոքի ակցիա անցկացնելու ժամանակ: Ընդհանուր առմամբ ձերբակալվել է 5 մարդ, որոնցից 4-ը «Էխո Մոսկվիի» լրագրողներ են եղել, այդ թվում գլխավոր խմբագրի առաջին տեղակալ Բլադիմիր Վարֆոլոմեեւը:
Լրագրողները եկել էին իրենց աջակցությունը հայտնելու «Նովայա գազետայի» աշխատակիցներին, ինչպես նաեւ իրենց վրդովմունքը հայտնելու Քննչական կոմիտեի ղեկավար Բաստրիկինի եւ «Նովայա գազետայի» գլխավոր խմբագիր Սերգեյ Սոկոլովի միջեւ տեղի ունեցածի առնչությամբ:
Ինչպես հաղորդում է «Էխո Մոսկվին», արդյունքում լրագրողներն ազատ են արձակվել: Նրանց հետ «պրոֆիլակտիկ զրույց» են ունեցել, Twitter-ում գրել է ձերբակալվածներից մեկը` Ալինա Գրեբնյովան:
Այս պահին նրանք կրկին ուղեւորվում են Քննչական կոմիտեի շենքի մոտ, որտեղ անհատական բողոքի ակցիաները շարունակվում են: