Բեթղեհեմի Սբ Ծննդյան տաճարը կարող է դառնալ առաջինը UNESCO-ի ցանկում` Պաղեստինի տարածքում: Եկեղեցին UNESCO -ի ցուցակի մեջ ներառելու հարցը կքննարկվի այս ամսվա նիստում, հաղորդում է CNN-ը:
Պաղեստինը UNESCO-ի անդամ է դարձել 2011 թ. հոկտեմբերին: Սակայն այդ որոշումը վիճելի է համարել ԱՄՆ-ը, ըստ որի լիիրավ անդամակցությունը միջազգային առույցին հնարավոր կդառնա միայն Իսրայելի հետ խաղաղության համաձայնագրից հետո:
Ինչպես հաղորդում է CNN-ը, եկեղեցու վիճակը անհանգստություն է պատճառում, քանի որ իր գոյության ընթացքոմ այն վերապրել է մի քանի երկրաշարժ:
«Առանցքային հարցերից մեկն այն է, որ եկեղեցու խնամքի համար պատասխանատու են երեք կրոնական կառույց` հունական ուղղափառ, հայ առաքելական եւ հռոմեական կաթոլիկ եկեղեցիները»,- նշում է CNN-ը:
Եկեղեցին հիմնվել է IV դարում` Հռոմի կայսր Կոնստանտինոս Մեծի մոր` Հեղինեի կողմից: Դա Պաղեստինի տարածքում նախամուսուլմանական ժամանակներից մնացած միակ կանգուն քրիստոնյա տաճարն է:
