ՀՀԿ գործադիր մարմնի նիստը, որտեղ պետք է քննարկվեր նոր կառավարության կազմը, մեկ օրով հետաձգվել է. այն տեղի կունենա հունիսի 15-ին երեկոյան: Այս մասին NEWS.am-ի թղթակցի հետ զրույցում տեղեկացրեց ԱԺ փոխնախագահ, ՀՀԿ մամուլի խոսնակ Էդուարդ Շարմազանովը:
Հարցին, թե որն է եղել նիստը տեղափոխելու պատճառը, նա պատասխանեց, որ զուտ կազմակերպչական նկատառումներով է նիստի օրը տեղափոխվել, քանի որ հունիսի 15-ին ավելի շատ ժամանակ կա քննարկումներին հատկացնելու համար:
Ավելի վաղ NEWS.am-ը հայտնել էր, որ ՀՀԿ գործադիր մարմնի հերթական նիստին քննարկվելու է կառավարության կազմը:
