Չինաստանում տղամարդը վիճակախաղով 90 միլիոն դոլար է շահել. դա չինական վիճակախաղի պատմության ամենախոշոր շահումն է:
Շահողն առայժմ չի ներկայացել: «Սպասում ենք, որ հաղթողը կապ հաստատի մեզ հետ», - հայտնել են վիճակախաղային կենտրոնում:
Մրցանակը տիրոջը կսպասի մինչեւ օգոստոսի 11-ը: Ընկերության ներկայացուցիչները պարտավորվում են ապահովել նորաթուխ միլիոնատիրոջ անվտանգությունը:
Շահումի ընդհանուր գումարից` 570 միլիոն յուան (90 մլն դոլար) շահողը 20%-ի հարկեր կվճարի, գրում է «ԱիՖ»-ը:
Երջանիկ շահողի մասին հայտնի է միայն, որ նա տղամարդ է, մոտավորապես 45 տարեկան: Ինչպես պատմել է վիճակախաղի տոմսերի կրպակի վաճառողը, 220 յուան արժողությամբ 110 տոմսերի գնման ժամանակ տղամարդը «կանաչ է» հագած եղել եւ ուսապարկ է ունեցել:
