Հայտնի է դարձել այսօր` հունիսի 14-ին, Հրազդան գետում հայտնաբերված մահացած տղամարդու ինքնությունը:
Ավելի վաղ NEWS.am-ը հայտնել էր, որ այսօր` հունիսի 14-ին, ժամը 11.22-ին տեղեկություն է ստացվել, որ Կոտայքի մարզի Հրազդան գետի սկզբնամասում հայտնաբերվել է տղամարդու դի, որին դուրս բերելու համար անհրաժեշտ է փրկարարների օգնությունը:
Դեպքի վայր է մեկնել հատուկ ջրափրկարարական ջոկատի հերթապահ խումբը:
Ջրափրկարարները գետից դուրս են բերել Սեւան քաղաքի Կարմիր բանակ փողոցի թիվ 21 տան բնակիչ, 55-ամյա Դավիթ Հովհաննիսյանի դին:
