Լրագրող Սերգեյ Ասլանյանին դուրս են գրել հիվանդանոցից: Այդ մասին հայտնում է ռադիո «Մայակը»` հղում անելով Համառուսաստանյան պետական հեռուստառադիոհեռարձակման ընկերության նախագահի տեղակալ Սերգեյ Արխիպովին:
Ինչպես ավելի վաղ հայտնել էր NEWS.am-ը, մայիսի 14-ին ռադիո «Մայակի» «Կենտրոնական կոմիտե» հաղորդման ուղիղ եթերի ժամանակ, որտեղ խոսում էին նոր մեքենայի ընտրության մասին, լրագրողն արհամարհանքով վերապատմել է մարգարե Մուհամեդի կենսագրությունը` նրա հասցեին օգտագործելով անհարգալից արտահայտություն:
Ասլանյանը Մուհամեդին առեւտրական է անվանել, պատմել է, որ նա «արտագրել է Աստվածաշունչն, ինչպես կարողացել է», եւ «այժմ բոլորը գիտեն, որ Մուհամեդը շուկայի մանր վաճառող չէ, այլ խոշոր քաղաքական գործիչ»:
Դրանից հետո` մայիսի 28-ին, Չերտանովի փողոցի շենքի մուտքում ժամը 23.15-ին հարձակվել էին Ասլանյանի վրա: Լրագրողն ստացել էր դանակի ավելի քան 20 հարված եւ ուղեղի ցնցում: Հարձակումը կատարվել էր «Դու չես սիրում Ալահին» բղավոցով:
Մոսկովյան մզկիթի իմամ Իլդար Ալյաութդինովը «Կոմերսանտ-FM»-ին հայտարարել էր, որ Ասլանյանի վրա հարձակումը Ալահի աստվածային կամքն է եղել: