Ստավրոպոլի մարզում Հայաստանի քաղաքացին կախվել է թիվ 3 ուղղիչ գաղութի տուգանային մեկուսարանում:
Քննչական կոմիտեի տվյալներով, 36-ամյա տղամարդը պատիժ էր կրում ճանապարհային կանոնների խախտման համար, որի ընթացքում մարդ էր մահացել: Նա դատապարտվել էր 1,5 տարվա ազատազրկման: Նա տուգանային մեկուսարան էր տեղափոխվել «ոչ պատշաճ վարքի համար»:
Դատաբժշկի տվյալներով, մահը վրա է հասել մեխանիկական ասֆիկսիայի հետեւանքով: Նա կախվել էր շալվարի փողքի միջոցով: