Zara եւ Massimo Dutti ապրանքանիշների սեփականատեր իսպանացի Ամանսիո Օրտեգան ճանաչվել է Եվրոպայի ամենահարուստ մարդ: Ըստ Bloomberg-ի միլիարդատերերի ցուցակի` մագնատի ունեցվածքն այժմ կազմում է 39,5 միլիարդ դոլար:
Այդպիսով, Օրտեգան առաջ է անցել շվեդական IKEA կահույքի ընկերության հիմնադիր եւ ղեկավար Ինգվար Քամփրադից, որի ունեցվածքը գնահատվել է 37 միլիարդ դոլար, հայտնում է ռադիո «Մայակը:
Լրատվամիջոցները նշում են, որ իսպանացին ճանաչվել է ամենահարուստ մարդը Եվրոպայում այն ժամանակ, երբ նրա հարազատ երկիրը ֆինանսական ճգնաժամի պայմաններում Եվրամիությունից խնդրում է 125 միլիարդ դոլար, իսկ գործազրկության մակարդակը հասել է 20%-ի: