Ճապոնացի գիտնականների խումբը պատմության մեջ առաջին անգամ ցողունային բջիջներից աչքի ցանցաթաղանթի հյուսվածքներ ստանալու տեխնոլոգիա է մշակել: Գիտնականները ստացել են գրեթե պատրաստի մարդկային աչքի ցանցաթաղանթ:
Գիտափորձին մասնակցել են Կոբե քաղաքի կենսաբանական զարգացման կենտրոնի մասնագետները` քիմիական «Sumitomo Chemical» կորպորացիայի փորձագետների հետ, հաղորդում է «Մոսկովսկի կոմսոմոլեցը»:
Արհեստական ցանցաթաղանթը թեեւ ստեղծված է, սակայն դեռեւս անլուծելի է մնում դրա «միացումը» տեսողական նյարդին, ինչը, ճապոնացի գիտնականի տվյալներով, առայժմ դժվար է անել:
Այս հայտնագործության շնորհիվ հնարավոր է, որ նման արհեստական ցանցաթաղանթը դառնա ցողունային բջիջների փոխպատվաստման առաջին կիրառությունը: