Ոստիկանության աշխատակիցները հայտնաբերել են հետախուզվողների:
Ոստիկանության լրատվության վարչությունից հայտնում են, որ հունիսի 14-ին, ժամը 20.30-ին, ոստիկանության Մաշտոցի բաժնի ծառայողները 16-րդ թաղամասի 31 շենքի թիվ 24 բնակարանից բերման են ենթարկել 30-ամյա Վիկտոր Էդիլյանին, որը 2011 թ. դեկտեմբերի 12-ից հետախուզվում էր Կենտրոն եւ Նորք-Մարաշ վարչական շրջանների ընդհանուր իրավասության դատարանի որոշմամբ:
Հունիսի 14-ին, ժամը 19.45-ին, Երեւանի Սուրբ Սարգիս եկեղեցու մոտից ոստիկանության ծառայողները բերման են ենթարկել 38-ամյա Հակոբ Վարդապետյանին, ով 2011 թ. նոյեմբերի 25-ից ՀՀ ոստիկանության Արաբկիրի բաժնի կողմից միջպետական հետախուզման մեջ էր գտնվում խարդախության մեղադրանքով:
