Ֆրանսիայի Հավր քաղաքում կողոպտիչները գողացել են բեռնատարի կցորդը, որում 5400 շիշ «Դոն Պերինյոն» թանկարժեք կոնյակ է եղել: Agence-France-Presse-ի փոխանցմամբ, գողոնի արժեքը կազմում է ավելի քան 520 հազար դոլար:
Ոստիկանության տվյալներով, չարագործները քարշակ-բեռնատարով մտել են նավահանգստի տարածք, միացրել կցորդն ու հանգիստ հեռացել անհայտ ուղղությամբ: Այդ ամենը տեղի է ունեցել օրը ցերեկով, եւ նավահանգստի պահակներից ոչ ոք չի էլ կասկածել, թե ինչ է կատարվում:
Առայժմ չի հաղորդվում, թե ում էր պատկանում բեռն ու ում էր ուղարկվում: Ոստիկանությունը քննություն է սկսել, սակայն որեւէ ապացույց չունի:
«Դոն Պերինյոնը» շամպայնի ամենահայտնի եւ թանկարժեք տեսակներից է: