Հնդկաստանում սարսափելի վթար է տեղի ունեցել, ուխտավորներով ավտոբուսը ձորն է գլորվել: Ըստ հնդկական լրատվամիջոցների` զոհվել է 27 մարդ, 12-ը վիրավորվել են:
Վթարը տեղի է ունեցել Մահարաշթրա նահանգի Սոլապուր քաղաքից ոչ հեռու, գրում է «Ռոսբալտը»:
Ավտոբուսը դուրս էր եկել Անդհրա-Պրադեշ նահանգի վարչական կենտրոն Հայդարաբադ քաղաքից եւ ուղեւորվել էր արեւմտյան Շիրդի քաղաք` Հնդկաստանի խոշորագույն հոգեւոր կենտրոններից մեկը, որը հայտնի է ամբողջ աշխարհի զբոսաշրջիկների շրջանում: