Հունիսի 16-ին Եգիպտոսում սկսվում է նախագահական ընտրությունների երկրորդ փուլը: Պետության ղեկավարի պաշտոնին են հավակնում «Մահմեդական եղբայրների» առաջնորդ Մոհամեդ Մուրսին եւ Ահմեդ Շաֆիկը, որը տապալված նախագահ Հոսնի Մուբարաքի կառավարության կազմում էր:
Հունիսի 16-17-ի ընտրությունները տեղի կունենան խորհրդարանական ընտրությունների արդյունքները անվավեր համարելու եւ խորհրդարանը ցրելու պայմաններում:
Երկու թեկնածուների առկայությունն առաջացնում է ձախականների եւ կենտրոնամետների դժգոհությունը: Շատերն են խոսում այն մասին, որ ավելի լավ է բոյկոտել ընտրությունները կամ քվեաթերթիկը փչացնել, քան աջակցել Հ. Մուբարաքի նախագահության ժամանակ վարչապետ եղած Ա. Շաֆիկին կամ «Մահմեդական եղբայրների» առաջնորդ Մոհամեդ Մուրսիին, հաղորդում է Reuters-ը:
Վելուծաբանները մտավախություն ունեն, որ Եգիպտոսում կարող են սկսվել խռովություններ` Սահմանադրական դատարանի վերջին որոշումների հետ կապված: