Ճապոնական Ֆուկուի նահանգի ղեկավարը հավանության է արժանացրել Օօի քաղաքում ատոմային երկու ռեակտորի գործարկումը, որոնք կանգնեցվել էին 2011թ. մարտին «Ֆուկուսիմա-1»-ի վթարից հետո:
Ռեակտորներն արդեն անցել են սթրես-թեստերը, որի արդյունքներն ընդունվել են ճապանացի եւ ՄԱԳԱՏԷ-ի մասնագետների կողմից: Հիմա արդեն գործարկման համար անհրաժեշտ է միայն Ճապոնիայի վարչապետ Էսիհիկո Նոդայի թույլտվությունը: Ակնկալվում է, որ վարչապետը կտա թույլտվություն` չնայած բողոքի ակցիաներին, հաղորդում է «Վեդոմոստին»: