Թուրքիայի քաղաքացուն, որին մեղադրում են Սանկտ Պետերբուրգում իր ութամյա խորթ տղային բռնաբարելու մեջ, նոր` խոշտանգումներ կատարելու մեղադրանք են ներկայացրել, հաղորդում է «Սանկտ Պետերբուրգ» հեռուստաալիքը` հղում անելով հյուսիսային մայրաքաղաքի ՌԴ ՔՀ գլխավոր վարչությանը:
38-ամյա թուրքը կնոջ եւ նրա ութամյա որդու հետ է բնակվել: Այս տարվա մարտին պարզվել է, որ օտարերկրացին կես տարվա ընթացքում բազմիցս բռնաբարել է երեխային: Թուրքին մեղադրանք էր ներկայացվել ՌԴ ՔՕ 132-րդ հոդվածի 4-րդ մասի «բ» կետով («սեռական բնույթի բռնի գործողություններ անչափահասի նկատմամբ»):
Քրեական գործի հետաքննության ընթացքում նաեւ պարզվել է, որ մեղադրյալը 2011թ. հոկտեմբերից մինչեւ 2012թ. մարտը պարբերաբար տղային ծեծել է, ինչ համար առանձին մեղադրանք է ներկայացվել ՌԴ ՔՕ 177-րդ հոդվածի 2-րդ մասի «գ» կետի համաձայն («խոշտանգում»):