Հայ համայնքի ակտիվ անդամ Սեմ Կբուշյանը առաջադրել է իր թեկնածությունը Լոս-Անջելեսի քաղաքային խորհրդի համար: Նախնական ընտրությունները կայանալու են 2013թ. մարտի 5-ին:

Ինչպես հաղորդում է Asbarez-ը, Կբուշյանը IC Foundation հիմնադրամի գործադիր տնօրենն է, նաեւ համայնքի կազմակերպման, մասնագիտական կրթության եւ բիզնեսի պաշտպանության հարցերի փորձագետ է:

Սեմը հավատում է սոցիալական ձեռնարկատիրությանն ու քաղաքացիական մասնակցությանը եւ այդ համոզմունքները կիրառում գործնականում: Նա LACER հետդպրոցական ծրագրերի կառավարման անդամ է եւ Արեւելյան Հոլիվուդի խորհրդի ընտրված անդամ: