Մյանմայում մահմեդականների եւ բուդդայականների բախումների արդյունքում 50 մարդ է զոհվել, եւս 54-ը` տուժել են:
Երկու համայնքների միջեւ բախումները շարունակվում են արդեն երկու շաբաթ: Անկարգություններն սկսել են բուդդայական աղջկա բռնաբարության դեպքից հետո, որի մեջ նրանք մեղադրում են մահմեդականներին:
Հունիսի երեքին բուդդայականների ամբոխը կանգնեցրել է մահամեդականների ավտոբուսը եւ սպանել նրանց: Վեց օր անց մահմեդականներն են հարձակվել բուդդայականների թաղամասի վրա` այրելով տներն ու ծեծի ենթարկելով բնակիչներին:
Շաբաթվա սկզբին գործի են դրվել նաեւ սառը զենք, հրազեն, հաղորդում է AP-ն: