Ճապոնիայի վարչապետ Յոսիհիկո Նոդան հունիսի 16-ին որոշում է կայացրել նախկինում կանգնեցրած «Օի» ԱԷԿ-ի վերագործարկման վերաբերյալ:
Այդպիսով, Ֆուկուի պրեֆեկտուրայի ատոմակայանը կդառնա երկրում առաջին ԱԷԿ-ը, որը կվերսկսի իր աշխատանքն այս տարվա մայիսի սկզբին իր բոլոր գեներատորները կանգնեցնելուց հետո, հայտնում է «Էխո Մոսկվի» ռադիոկայանը:
Հիշեցնենք, որ ավելի վաղ ԱԷԿ-ի վերագործարկման մասին որոշումն ընդունել էր Ֆուկուի պրեֆեկտուրայի ղեկավարը` ստուգման եւ սթրես թեստերի հիման վրա:
Ատոմակայանների կանգնեցումը նկատելի ավելացրել է ազգային էնեգահամակարգի ծանրաբեռնվածությունը եւ Տոկիոյի վառելիքի պահանջները ջերմաէլեկտրակայանների համար: Ներկայումս Ճապոնիան ապրում է էլեկտրաէներգիայի բարձր տնտեսման ռեժիմում: