Հնդկաստանում էնցեֆալիտի համաճարակի (acute encephalitis syndrome) բռնկում է արձանագրվել. հյուսիսային Բիհար եւ Ութար-Փրադեշ նահանգներում վերջին երեք շաբաթվա ընթացքում 247 երեխա է մահացել:
Բժիշկները նշում են, որ հիվանդ երեխաների մեծ մասն աղքատ ընտանիքներից են: Այս նահանգում նման համաճարակի բռնկումներ հաճախ են լինում: Տեղական լրատվամիջոցների հաղորդմամբ, էնցեֆալիտի բռնկումներ տեղի են ունեցել 2005, 2007, 2009 եւ 2011 թվականներին: Ամեն անգամ հիվանդությունը տասնյակ երեխաների կյանք է խլել: