Սիրիայի ազգային խորհուրդը (ՍԱԽ) հունիսի 17-ին կոմյունիկե է հրապարակել, որով կոչ է անում ՄԱԿ-ին Սիրիա զինված խաղաղապահներ ուղարկել:
Ինչպես հաղորդում է «Ինտերֆաքսը», ՍԱԽ-ը ափսոսանք է հայտնել դիտորդական առաքելության կասեցման առնչությամբ:
Հիշեցնենք, որ նախօրեին ՄԱԿ-ի դիտորդական առաքելության ղեկավար, գեներալ Ռոբերտ Մուդը հայտարարել էր առաքելության դադարեցման մասին` «բռնության էսկալացիայի» հետ կապված: Նրա խոսքով, թե կառավարական ուժերը, թե ընդդիմությունն անտեսում են Քոֆի Անանի պլանը եւ չեն ձգտում խաղաղության: